22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
«Ավրորա»-ի հիմնադիրը Բաքվի բանտում է, ի՞նչ պետք է անի աշխարհը. հարց՝ Գրետա Թունբերգին․ ՏԵՍԱՆՅՈՒԹ
Հասարակություն
14.11.2024 | 13:19
«Ադրբեջանի ագրեսիայի ազդեցությունը մարդու իրավունքների և շրջակա միջավայրի պաշտպանության վրա» խորագրով համաժողովին, որին մասնակցում է նաև շվեդ հայտնի էկոակտիվիստ Գրետա Թունբերգը, ներկաներից մեկը հարց ուղղեց՝ ի՞նչ պետք է անի աշխարհը, երբ «Ավրորա» մարդասիրական մրցանակի ղեկավարը Բաքվի բանտում գերեվարված է.
«Այս գործերը միջազգային համայնքի ձեռքում են և շատ վաղուց պետք է համայնքն այդ մասին խոսեր ու բարձրաձայներ, իր ուժն օգտագործեր։ Աշխարհը պետք է իր հարմարվողականությունը մի կողմ դնի և ազատություն պարգևի բոլոր քաղբանտարկյալներին և պատերազմի գերիներին»,- պատասխանեց Թունբերգը։
Համաժողովը կազմակերպվել է ի պատասխան ՄԱԿ-ի որոշման՝ արտոնել Ադրբեջանին հյուրընկալելու COP29-ը՝ չնայած Արցախի ժողովրդի նկատմամբ ագրեսիայի հետ կապված անհանգստություններին, ինչպես նաև ավտորիտար քաղաքականությանը և հայատյացությանը։ Թունբերգն ավելի վաղ հայտարարել էր Բաքվում ընթացող COP-29 համաժողովը բոյկոտելու մասին, այցելել էր Վրաստան, ապա ժամանել Հայաստան։
Մանրամասները՝ տեսանյութում։
