Լավ չի անում, որ չի անում․ Արամ Սարգսյանը՝ Նիկոլ Փաշինյանից սպասող կոչերի մասին. ՏԵՍԱՆՅՈՒԹ

«Իմ քայլը» դաշինքի անդամ Արամ Սարգսյանն այսօր դաշինքի հանրահավաքից հետո լրագրողների հետ զրույցում ասաց, որ գործող իշխանության սկզբնական փուլի քայլերը և համերաշխության կառվարության ձևավորումը շատ դրական էր համարում, սակայն այդ տեմպով շարունակել էր պետք, քանի որ ժողովուրդը սիրո և հանդուժողականության էր կարոտ և չի ուզում ինքն իր հետ կռվել։

«Բայց այն ուղեգիծը, որին նայում ես, ինձ չի բավարարում։ Չկա Փաշինյանի թիմից մեկն, ով նրան այդքան օժանդակած լինի հարցազրույցներով և այլն, բայց ես դա արել եմ։ Հիմա Փաշինյանի թիվ մեկ խնդիրը պետք է լինի իսկապես արդար ընտրություններ անցկացնելը։ Փաշինյանը պետք է կոչով հանդես գար, որ չկան սև ու սպիտակներ, պետք է հանդես գար հորդորով, որ համացանցում իրար հանդեպ վիրավորական քոմենթներ պետք չի գրել»,- ասաց Արամ Սագսյանը։

Հարցին՝ իսկ ինչո՞ւ չի անում, Արամ Սարգսյանը պատասխանեց․ «Լավ չի անում, որ չի անում»։

Արամ Սարգսյանը նշեց, որ այս պահին Նիկոլ Փաշինյանի հիմնական խնդիրը արտահերթ ընտրությունների անցկացումն է: «Թե՛ Փաշինյանը, թե՛ ես չենք տեսնում այդ մեխանիզմը, թե ինչպես պետք է դա արվի։ Ես կարծում էի, որ  վարչապետը հրաժարական կտա, որից հետո խորհրդարանը կցրվի, բայց այս հակադրությունները դրան խանգարում են։ Արտահերթ ընտրության գնալու միակ տարբերակը ոչ թե վախեցնելն է, այլ կոնսենսուսի բերելը։ Երբ նայում եմ, հասկանում եմ, որ այո՛ խնդիրներ են առաջացել, որովհետև այն ուժերը, որոնք կողմ էին արտահերթ ընտրություններին, հիմա դրան կողմ չեն և դրա մեղավորը ես  կամ էդմոն Մարուքյանը չենք, դրա միակ մեղավորը գործող իշխանությունն է, որը պետք է ոչ թե ասի՝ որ բա ինչ պետք ա անեին, պետք է քվերակեին, այլ խնդիրները պետք է լուծի այնպես, որ էլի գան քվերակեն»,- ասաց Արամ Սարգսյանը։