30.04.2026 | 22:02
Բելգիայում ՀՀ դեսպանը Եվրախորհրդարանին շնորհակալություն է հայտնել ՀՀ-ին աջակցող բանաձևի համար
Մոտ էինք հաղորդակցությունների ապաշրջափակմանը, բայց Երևանը սառեցրեց իր մասնակցությունը․ Զախարովա․ ՏԵՍԱՆՅՈՒԹ
Քաղաքականություն
13.11.2024 | 17:19
Հայաստանը, Ադրբեջանը և Ռուսաստանը 2023 թվականի հունիսին մոտ էին տարածաշրջանում տրանսպորտային ուղիների ապաշրջափակմանը, սակայն Արևմուտքի ճնշման ներքո Երևանը դադարեցրեց մասնակցությունն աշխատանքային խմբերին և բոլոր եռակողմ ձևաչափերին։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա կրկին հայտնել է Ռուսաստանի պատրաստակամությունը՝ օգնություն ցուցաբերել Երևանին և Բաքվին՝ եռակողմ համաձայնագրերի հիման վրա տարածաշրջանում խաղաղության հասնելու համար, քանի որ «Մոսկվան ունի պատմական, տնտեսական, հումանիտար և ֆինանսական շահեր Հարավային Կովկասում»։
«Ի տարբերություն Արևմուտքի՝ մենք անկեղծորեն շահագրգռված ենք Հարավային Կովկասի անվտանգությամբ, կայունությամբ և բարգավաճմամբ։ Այս տարածաշրջանը մեր պատմական, տնտեսական և հումանիտար շահերի գոտին է։ Մենք պատրաստ ենք նպաստել դրա զարգացմանը, քանի որ դա կայունության և անվտանգության հիմքն է»,- ընդգծել է Զախարովան։
Մանրամասները՝ տեսանյութում:
Տաթև Ֆռանգյան
