19.12.2025 | 18:47
Եթե մեզ հարգանքով վերաբերվեք, որևէ գործողություն չի լինի. Պուտինը՝ նոր պատերազմի հնարավորության մասին
Թրամփի ընտրությունը դարձավ ամերիկյան «գունավոր հեղափոխություն»․ Ալեքսանդր Իսկանդարյան․ ՏԵՍԱՆՅՈՒԹ
Քաղաքականություն
13.11.2024 | 19:00
Արցախյան երկրորդ պատերազմում Ադրբեջանի հաղթանակը Ալիևի ժողովրդականության ժողովրդականության և, մեծ հաշվով, նաև իշխանության հիմքն է։ Իլհամ Ալիևը նախագահ ընտրվել է, և միակ պատճառը նրա ընտանիքն է, որտեղ նա ծնվել է։ Համապատասխանաբար, նա իր հոր ստվերի տակ էր, և նրա իշխանության լեգիտիմության հետ կապված խնդիրներ կային, ինչն Արցախյան երկրորդ պատերազմի կարևորագույն պատճառներից էր, Factor TV-ի հետ զրույցում նշում է քաղաքագետ Ալեքսանդր Իսկանդարյանը։
Ըստ նրա՝ պատերազմում հաղթանակից հետո նա վերածվեց «Նապոլեոնի», նա սեփական լեգիտիմությունը ձեռք բերեց, այն, ինչ չկարողացավ անել նրա հայրը, և դա է պատճառը՝ ինչու է նա անընդհատ և ամենուր խոսում այդ մասին։
Անդրադառնալով Հայաստանի և Ադրբեջանի միջև խաղաղության պայմանագրի ստորագրման հեռանկարներին՝ քաղաքագետը նշում է, որ եթե նման պայմանագիր ստորագրվի (ինչը քիչ հավանական է), դա կլինի հուշագրի նման մի բան՝ առանց որևէ լուրջ պարտավորության։
«Չեմ կարծում, որ մենք Ադրբեջանի հետ մոտ ենք իրական խաղաղություն հաստատելուն»,- եզրափակում է Ալեքսանդր Իսկանդարյանը։
Հարցազրույցն ամբողջությամբ՝ տեսանյութում։
Սամվել Մելիքսեթյան
