26.05.2026 | 22:13
ՀՀ-ում ոչ մի ադրբեջանցի չի բնակեցվելու. Միրզոյան. ՏԵՍԱՆՅՈՒԹ
2007-ին ոստիկաններն ավտոմատներով գնում էին մարդկանց տանից հանում էին, «արմատուրով» խփում. Խաչատուր Սուքիասյան
Քաղաքականություն
13.11.2024 | 14:30
«Մի պահ կարմիր բերետավորներից էիք խոսում, մի հատ մեզ չե՞ք հարցնում՝ 2007-ին ո՞նց էին հարձակվում ժողովրդի վրա ոստիկանները՝ ավտոմատներով գնում էին մինչև տուն, տնից հանում էին, սկսում էին «արմատուրով» խփել ոտքերին: Մարդկանց խփում էին, ծեծում էին, տանում էին մի հատ էլ բանտում էին ծեծում, մի հատ էլ ոստիկանությունում էին ծեծում, մենք ենք շփվել, հիմա ի՞նչ եք ուզում, հիմա եկել ու ասում եք` ոստիկանն ագրեսիվ էր նայում»,- ԱԺ-ում հայտարարեց ՔՊ պատգամավոր Խաչատուր Սուքիասյանը` դիմելով ընդդիմությանը:
Նշենք, որ ԱԺ նիստում «Հայաստան» խմբակցության պատգամավորներն իրենց ելույթներում մինչ այս բարձրաձայնել էին «ոստիկանների ագրեսիվ վարքագծի» մասին:
Անդրադառնալով Արտաքին հետախուզական ծառայության շուրջ ընդդիմադիրների դիտարկումներին՝ նա նշեց. «Արտաքին հետախուզություն ստեղծելիս դուք չեք քվարկել, այն ՀՀ-ի ամենակարևոր կառույցներից մեկն է, դա ամենագաղտնի ծառայությունը պետք է լինի»:
