05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
Նովոսիբիրսկում 10 զինծառայողներ փախել են զորամասից
Քաղաքականություն
13.11.2024 | 13:59
Նովոսիբիրսկի շրջանի Կոչենևո գյուղում տասը զինծառայողներ ինքնակամ լքել են իրենց զորամասը, հայտնել է Կոչենևսկի շրջանի ղեկավար Եվգենի Անտիպովը։ Նա նշել է, որ նրանցից չորսն արդեն ձերբակալվել է, գրում է Meduza-ն։
«30 րոպեի ընթացքում նրանք տաքսիով դուրս են եկել Կոչենևո բնակավայրի տարածքից։ Շրջանի տարածքում հանցագործություններ չեն կատարվել։ Չորսը ձերբակալվել է Կոչենևսկի շրջանից դուրս»,- նշել է Անտիպովը։
NGS.ru-ի տեղեկություններով՝ զորամասից փախածների մեծ մասը Կրասնոդարի երկրամասի բնակիչներ են։ Նրանց մի մասը նախկինում «արդեն լքել է Ռուսաստանի տարածքում զորամասերը»։ Լրատվամիջոցի աղբյուրը պնդում է, որ զինծառայողներից վեցը գնացել են Կեմերովոյի շրջան։
Կոչենևոյի բնակիչների հետ զրույցում տեղի ոստիկանության աշխատակիցն ասել է, որ զինծառայողները զինված չեն եղել։
Թարգմանությունը՝ Էմմա Չոբանյանի
