06.10.2026 | 19:28
Կրեմլը Լիտվայում միջուկային զենք տեղակայելու ծրագրերն «էսկալացիայի քայլ» է անվանել
ԱՄՆ-ում ուկրաինական պատերազմի մասին Պենտագոնի գաղտնի տվյալների հրապարակման մեջ մեղադրվողը 15 տարվա ազատազրկման է դատապարտվել
Քաղաքականություն
13.11.2024 | 17:17
ԱՄՆ-ում ուկրաինական պատերազմի մասին Պենտագոնի գաղտնի տվյալների հրապարակման մեջ մեղադրվող Ջեք Թեյշեյրային 15 տարվա ազատազրկման են դատապարտել, հայտնում է CNN-ը՝ վկայակոչելով դաշնային դատավորի որոշումը։
Մարտին հայտնի էր դարձել, որ Ազգային գվարդիայի զինվորը գործարք է կնքել հետաքննության հետ և իրեն մեղավոր է ճանաչել մեղադրանքի վեց հատկանիշով, այդ թվում՝ գիտակցաբար ազգային պաշտպանությանը վերաբերող տեղեկատվություն պահելու և փոխանցելու: Փոխարենը, դատախազները համաձայնել են Թեյշեյրային լրտեսության մեղադրանք չներկայացնել, որը կսպառնար ցմահ ազատազրկմամբ։
Պենտագոնի փաստաթղթերի արտահոսքի մասին լայնորեն հայտնի դարձավ 2023 թվականի ապրիլի սկզբին, երբ մի քանի ռուսական տելեգրամյան ալիքներ միաժամանակ տարածեցին ուկրաինական պատերազմի մասին տեղեկություններով ֆայլեր։
Փաստաթղթերի մի մասը, ըստ Bellingcat-ի, նվիրված էր Ուկրաինա Ռուսաստանի ներխուժմանը, մյուս մասում մանրամասն վերլուծություն կար Հարավչինական ծովում բրիտանական հնարավոր քաղաքականության և Եմենում հութիների գործունեության մասին: Մեկ այլ փաստաթղթում էլ ասվում էր, որ իսրայելական «Մոսադ»-ը խրախուսում է Իսրայելի վարչապետ Բենիամին Նեթանյահուի դեմ բողոքի ցույցերը: Այս մասին ԱՄՆ-ն իմացել է Իսրայելում ռադիոտեխնիկայի միջոցով հետախուզության շնորհիվ։
Թեյշեյրան ձերբակալվել էր անցյալ տարվա ապրիլին գաղտնի փաստաթղթերի արտահոսքին առնչություն ունենալու կասկածանքով։ Նա գաղտնի տեղեկություններով սկսել է կիսվել 2022 թվականին՝ Discord հարթակում մասնավոր չաթում։
Թարգմանությունը՝ Տաթև Ֆռանգյանի
