16.05.2026 | 12:58
Պարույր Հովհաննիսյանը ECOSOC-ում ներկայացրել է Հայաստանի դիրքորոշումը էներգետիկ և առևտրային ռիսկերի վերաբերյալ
Արտաշատի խճուղում բախվել են թիվ 51 երթուղին սպասարկող ավտոբուսը, «Mercedes-Benz»-ը և «Volkswagen»-ը
12.11.2024 | 21:58
Նոյեմբերի 12-ին՝ ժամը 14:48-ին, Ճգնաժամային կառավարման ազգային կենտրոն ահազանգ է ստացվել, որ Նորագավիթի խաչմերուկից Այնթապ գյուղ տանող ավտոճանապարհին տեղի է ունեցել ՃՏՊ. առկա է վառելիքի արտահոսք: Այս մասին տեղեկացնում են ՆԳՆ Փրկարար ծառայությունից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
«Պարզվել է, որ Արտաշատի խճուղում բախվել են թիվ 51 երթուղին սպասարկող «Zhongtong» մակնիշի ավտոբուսը (վարորդ՝ Վ. Ա., ծնված 1973 թ․), «Mercedes-Benz» (վարորդ՝ Ն. Ս., ծնված 2003 թ․) և «Volkswagen» (վարորդ՝ Տ. Վ., ծնված 1968 թ․) մակնիշների ավտոմեքենաները․ «Volkswagen» մակնիշի ավտոմեքենայից առկա է վառելիքի արտահոսք։
Փրկարարները հոսանքազրկել են ավտոմեքենաները, փակել «Mercedes-Benz» մակնիշի ավտոմեքենայի գազի բալոնի փականը, իրականացրել հերթապահություն մինչ «Volkswagen» մակնիշի ավտոմեքենայի վառելիքի արտահոսքի դադարելը և կատարել ճանապարհի լվացման աշխատանքներ»,- ասված է հաղորդագրության մեջ։
