23.12.2024 | 16:45
ՌԴ փոխվարչապետների գլխավորած պատվիրակությունն Իրանում է
Էրդողանը Բաքվում Մեծ Բրիտանիայի վարչապետի հետ տարածաշրջանային և գլոբալ հարցեր է քննարկել
Քաղաքականություն
12.11.2024 | 16:14
Թուրքիայի նախագահ Ռեջեփ Թայիփ Էրդողանը Բաքվում COP29 կլիմայական համաժողովի շրջանակում հանդիպել է Մեծ Բրիտանիայի վարչապետ Քիր Սթարմերին։ Թուրքական կողմի հաղորդմամբ՝ հանդիպման ընթացքում քննարկվել են Թուրքիայի և Մեծ Բրիտանիայի երկկողմ հարաբերությունները, տարածաշրջանային և գլոբալ հարցեր։
Էրդողանը հայտարարել է, որ կշարունակվեն ջանքերը՝ բարելավելու Թուրքիայի և Բրիտանիայի միջև հարաբերություններն ու մեծացնելու առևտրի ծավալը։ Նա հավելել է, որ շարունակվում են նաև Անկարայի ջանքերը՝ տարածաշրջանում, հատկապես՝ Ուկրաինայում, Պաղեստինում և Լիբանանում հակամարտությունները դադարեցնելու համար։
Հանդիպմանը մասնակցել են Թուրքիայի արտաքին գործերի նախարար Հաքան Ֆիդանը, նախագահի հաղորդակցության գծով տնօրեն Ֆահրեթթին Ալթունը, թուրք և բրիտանացի այլ պաշտոնյաներ։
Բանակցություններն ընթացել են մամուլի համար փակ ձևաչափով։
Թարգմանությունը՝ Էմմա Չոբանյանի
