23.06.2026 | 12:55
ՌԴ Սվերդլովսկի մարզում փոթորկի հետևանքով գրեթե 100 տուն է վնասվել․ 16 մարդ վիրավորվել է
Գերմանիայում արտահերթ ընտրությունները տեղի կունենան փետրվարի 23-ին
Քաղաքականություն
12.11.2024 | 15:23
Գերմանիայում դաշնային արտահերթ ընտրությունները կանցկացվեն 2025 թվականի փետրվարի 23-ին։ Այս մասին POLITICO-ին հայտնել են երեք խոշոր կուսակցություններից օրենսդիրներն ու պաշտոնյաները:
Սպասվում է, որ կանցլեր Օլաֆ Շոլցը վստահության քվեի հարց կբարձրացնի Սուրբ Ծնունդից առաջ՝ ճանապարհ հարթելով փետրվարին կայանալիք նոր ընտրությունների համար։
Նրա եռակուսակցական կոալիցիան փլուզվել է անցյալ շաբաթ՝ մի քանի ամիս շարունակվող աճող լարվածությունից հետո՝ կապված ծախսերի և Գերմանիայի հիվանդ տնտեսությունը խթանելու սուր տարաձայնությունների հետ:
Լրատվամիջոցը նշում է, որ Շոլցն ի սկզբանե ասել էր, որ վստահության քվեի հարց կբարձրացնի հաջորդ տարվա հունվարի 15-ին։ Սակայն այլ կուսակցությունների առաջնորդները, այդ թվում՝ պահպանողական Քրիստոնեա-դեմոկրատական միության (CDU) առաջնորդ Ֆրիդրիխ Մերցը, հորդորել են Գերմանիայի կանցլերին արագացնել ժամանակացույցը:
Թարգմանությունը՝ Էմմա Չոբանյանի
