Մխիթար Հայրապետյանը` արբանյակի ընկնելու հավանականության հարցի մասին. ՏԵՍԱՆՅՈՒԹ

«Ես սովորություն չունեմ կուսակցական փակ ֆորմատով քննարկումների բովանդակությունը հրապարակային դարձնելու»,- լրագրողների հետ զրույցում ասաց Բարձր տեխնոլոգիական արդյունաբերության նախարար Մխիթար Հայրապետյանը։
Նա նշեց, որ այն, ինչ ներթիմային քննարկման համար է, մնում է այդպիսին։
Ինչ վերաբերում է «ArmSat1» հայկական արբանյակի հետ կապված խոսակցություններին՝ Հայրապետյանը նշեց․
«Մեկ հոդված է ընկել աչքովս, որ միլիոնավոր դոլարների մսխում է տեղի ունեցել։ Դա մամուլից եմ իմացել ու դրան չեմ կարող անդրադառնալ։ «ArmSat1» -ը ուղեծիր ուղարկելով՝ խնդիր չի դրվել ՀՀ բոլոր խնդիրները լուծել։ Նախաձեռնության նպատակը եղել է այն, որ տիեզերական գործունեություն մեկնարկի և դրա համար եղել է տարբերակ՝ արբանյակ ունենալ։ Այն տեսալուսանկարահանող արբանյակ է։ Մեր պատմության մեջ առաջին անգամ է, որ ոչ միայն արբանյակ ունենանք, այլև նկարենք։ Սա ապագայի մեջ ներդրում է։
Կարող եմ ասել, որ այսօրվանից մեր մասնագիտական թիմերն ամբողջությամբ ստանձնել են «ArmSat1»-ի կառավարումը։ Արբանյակը կատարում է տիեզերական լուսանկարներ՝ լուծաչափերով, որոնք չեն կարող միլիարդավոր դոլարներ արժեցող արբանյակների լուսանկարների որակին լինել, բայց մենք նման խնդիր չենք դրել։ 7-8 մլն դոլարով ամբողջ տիեզերքը նվաճելն անմտություն կլինի։ Մեզ համար շատ կարևոր է արձանագրել, որ սա մեզ համար մեկ քայլ առաջ էր՝ տիեզերական ոլորտում գործունեություն մեկնարկելու, հետագայում արդեն մտածելու ավելի ցածր ուղեծրում արբանյակներ ունենալու մասին»։

Մանրամասները՝ տեսանյութում։