09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Հայտնի են Թրամփի վարչակազմում առանցքային պաշտոնների հիմնական թեկնածուները․ Politico
Քաղաքականություն
08.11.2024 | 16:28
Նոյեմբերի 5-ի ԱՄՆ նախագահական ընտրություններում հաղթած Հանրապետական կուսակցության թեկնածու Դոնալդ Թրամփը սկսել է քննարկել պետքարտուղարի պաշտոնի թեկնածուներին։ Այս մասին հայտնում է Politico-ն՝ հղում անելով իր աղբյուրներին։
«Թրամփը պետքարտուղարի պաշտոնի համար դիտարկում է սենատորներ Մարկ Ռուբիոյին և Բիլ Հագերթիին, ինչպես նաև Գերմանիայում ԱՄՆ նախկին դեսպան Ռիչարդ Գրենելին։ Միաժամանակ, սենատոր Թոմ Քոթոնը պաշտպանության նախարարի պաշտոնի հավակնորդներից է»,- ԱՄՆ Կոնգրեսից անանուն աղբյուրին է վկայակոչում պարբերականը։
Նշվում է, որ լրագրող Թաքեր Կարլսոնը և SpaceX-ի հիմնադիր Իլոն Մասկը նույնպես կարող են պաշտոններ ստանալ Թրամփի նոր վարչակազմում։
Ավելի վաղ հայտնի էր դարձել, որ Մասկը և քաղաքական գործիչ Ռոբերտ Քենեդի կրտսերը հանդիպել են վարչակազմի անցման համար պատասխանատու պաշտոնյաների՝ նախապատրաստվելով Թրամփի նոր կաբինետի ձևավորմանը։
Թարգմանությունը՝ Տաթև Ֆռանգյանի
