24.06.2026 | 11:40
Քաղաքապետարանի ծեծկռտուքի դեպքով քրեական վարույթ է նախաձեռնվել
Մոսկվայի համար քաղաքական պարտություն է՝ համաձայնության գալ Վաշինգտոնի պայմաններով․ Վիտալի Պորտնիկով․ ՏԵՍԱՆՅՈՒԹ
Քաղաքականություն
08.11.2024 | 20:30
Ռուս-ուկրաինական պատերազմը մտահոգություն էր առաջացնում դեռևս Դոնալդ Թրամփի հաղթանակից առաջ, քանի որ եթե Արևմուտքն ավելի վճռական չլինի այս պատերազմում, Ռուսաստանն Արևմուտքի անվճռականությունը կօգտագործի իր նպատակների համար։ Թրամփը պատրաստ է ընդհանուր լեզու գտնել ՌԴ նախագահի հետ Արևմուտքի կամ, ծայրահեղ դեպքում, ԱՄՆ-ի համար ընդունելի պայմաններով։ Factor TV-ի հետ զրույցում նման կարծիք է հայտնում լրագրող, հրապարակախոս Վիտալի Պորտնիկովը։
Ըստ նրա՝ տարածաշրջանում փոխվում է Թուրքիայի դերը, քանի որ Էրդողանը Թրամփի հետ ավելի ջերմ հարաբերություններ ունի, քան Բայդենի։ Թեհրանն ավելի կոշտ հարաբերություններ ունի Թրամփի հետ, և դա նույնպես հաշվի կառնվի տարածաշրջանում։
Միաժամանակ, ըստ Պորտնիկովի, հարկ կլինի հաշվի նստել Ադրբեջանի կարծիքի հետ, եթե նա շարունակի մնա ռուսական էներգետիկայի այլընտրանք։
Պորտնիկովի կարծիքով՝ Թրամփի համար գլխավոր խնդիրը Չինաստանն է։ Ռուսաստանի և Չինաստանի գաղափարական փոխըմբռնումը ներկայում աննախադեպ է․ Մոսկվան և Պեկինը ցանկանում են սահմանափակել ժողովրդավարության ազդեցությունը։
Հարցազրույցն ամբողջությամբ՝ տեսանյութում։
Արմեն Մանասյան
