26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Իրանի ԱԳՆ-ն ԱՄՆ ընտրություններն անվանել է անցյալի սխալները վերանայելու հնարավորություն
Քաղաքականություն
07.11.2024 | 14:22
Իրանն ԱՄՆ նախագահի վարչակազմի հետ փոխգործակցության «դառը փորձ» ունի, սակայն ԱՄՆ նախագահական ընտրությունները սխալ մոտեցումները վերաիմաստավորելու և վերանայելու հնարավորություն են, հայտարարել է այդ երկրի ԱԳՆ խոսնակ Էսմայիլ Բաղային՝ մեկնաբանելով նոյեմբերի 5-ի նախագահական ընտրություններում Դոնալդ Թրամփի հաղթանակը։
«Միացյալ Նահանգների նախագահի ընտրության պատասխանատվությունը ժողովրդի վրա է: Այժմ ժողովուրդը կատարել է իր ընտրությունը։ Այս ընտրությունները հնարավորություն են՝ վերանայելու և վերաիմաստավորելու նախկինում կիրառված սխալ մոտեցումները»,- ասել է Բաղայը IRNA-ին տված հարցազրույցում:
Նախօրեին Իրանի կառավարության խոսնակ Ֆաթեմեհ Մոհաջերանին ասել էր, որ Թեհրանին չի հետաքրքրում, թե ով կդառնա ԱՄՆ հաջորդ նախագահը։ Նրա խոսքով՝ Իրանում փոփոխություններ չեն կանխատեսվում ամերիկյան վարչակազմի փոփոխության արդյունքում։
Դոնալդ Թրամփի առաջին նախագահական ժամկետում (2017–2021) Միացյալ Նահանգները դուրս եկավ Իրանի հետ միջուկային համաձայնագրից։ Ավելի ուշ նա դա անվանեց կարևոր որոշում, Իսլամական Հանրապետության դեմ պատժամիջոցների սահմանումը՝ նույնպես: 2024 թվականին, արդեն որպես նախագահի թեկնածու, Թրամփը որոշեց ուժեղացնել անվտանգությունը՝ կասկածների ֆոնին, որ Իրանը մահափորձ է նախապատրաստում իր դեմ։ Իրանի իշխանությունները հերքել են բոլոր մեղադրանքները։
Թարգմանությունը՝ Տաթև Ֆռանգյանի
