07.10.2026 | 14:02
Պուտինն ու Փաշինյանը քննարկել են օրակարգային հարցեր
ԵՄ-ին անդամակցելու բանակցություններ չեն լինի, քանի դեռ Վրաստանը չի փոխել իր ընթացիկ կուրսը․ Մակրոնի, Շոլցի և Տուսկի համատեղ հայտարարությունը
Քաղաքականություն
07.11.2024 | 14:31
Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը և Լեհաստանի վարչապետ Դոնալդ Տուսկը համատեղ հայտարարությամբ իրենց մտահոգությունն են հայտնել Վրաստանում քաղաքական իրավիճակի վերաբերյալ, գրում է Reuters-ը։
Մակրոնը, Շոլցը և Տուսկը, որոնք համատեղ հայտարարություն են տարածել որպես Վայմարյան եռանկյունու ձևաչափի անդամներ, նշել են՝ չեն կարող աջակցել Եվրամիությանը Վրաստանի անդամակցության բանակցությունների բացմանը, քանի դեռ երկիրը բարեփոխումներ չի կատարել:
«Մինչև Վրաստանը չփոխի իր ներկայիս քաղաքական կուրսը և չցուցադրի բարեփոխումների շոշափելի ջանքեր, մասնավորապես, չեղյալ համարելով եվրոպական արժեքներին և սկզբունքներին հակասող վերջին օրենսդրությունը, մենք չենք կարողանա աջակցել Վրաստանի հետ անդամակցության բանակցությունների բացմանը»,- ասվում է հայտարարության մեջ։
Թարգմանությունը՝ Էմմա Չոբանյանի
