26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Դատավոր Ռազմիկ Մարիկյանին նկատողություն հայտարարվեց. ԲԴԽ-ն որոշում կայացրեց․ ՏԵՍԱՆՅՈՒԹ
Հասարակություն
05.11.2024 | 10:27
Բարձրագույն դատական խորհուրդը որոշում կայացրեց Երևան քաղաքի Առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանին հայտարարել նկատողություն։
Խորհրդի նախագահ Կարեն Անդրեասյանը նշեց, որ ԲԴԽ անդամներ Էդգար Հովհաննիսյանը և Արթուր Աթաբեկյանը դեմ են քվեարկել և ունեն հատուկ կարծիք։
Հիշեցնենք՝ կարգապահական վարույթ հարուցելու առիթ է հանդիսացել ՔԿ նախագահի կողմից 2024 թ․ հունիսի 21-ի դրությամբ ԱՆ ներկայացրած հաղորդումը, ինչի առնչությամբ դատավորի նկատմամբ հարուցվել է կարգապահական վարույթ։
Ըստ միջնորդության հիմնավորման՝ դատավորի կողմից թույլ են տրվել դատավարական իրավունքի նորմերի, Քրեական դատավարության օրենսգրքի խախտումներ։ Մասնավորապես, քրեական վարույթներից մեկով դատարանը կայացրել է համակցված այլընտրանքային խափանման միջոց կիրառելու մասին որոշում այն դեպքում, երբ գործում առկա հանգամանքներից և ապացույցներից ակնհայտ է, որ այլընտրանքային խափանման միջոցներն ի զորու չեն ապահովելու մեղադրյալի պատշաճ վարքագիծը, ընդ որում՝ խափանման միջոցի տեսակն ընտրելու վերաբերյալ դատարանի հետևությունները չեն հիմնավորվում գործի նյութերով և համոզիչ չեն։
Մանրամասները՝ տեսանյութում։
