02.10.2026 | 16:34
Ինչո՞ւ է ԱԱԾ-ն ադրբեջանցի զինծառայողի անօրինական սահմանահատման մասին իրազեկել այն բանից հետո, երբ ՀՀ քաղաքացի է վիրավորվել
ՌԴ ալիքներով հնչում էր, որ 200 հազար մարդ Երևանի փողոցներում է․ սա ևս վախեցրել է ռուս զբոսաշրջիկներին․ Պապոյան․ ՏԵՍԱՆՅՈՒԹ
Տնտեսություն
31.10.2024 | 16:23
Ռուսաստանից Հայաստան զբոսաշրջիկների հոսքը 2024 թվականին նվազել է նաև հանրահավաքների պատճառով։ Այս մասին խորհրդարանում հայտարարեց ՀՀ էկոնոմիկայի նախարար Գևորգ Պապոյանը։
«Չեմ ուզում դրամատիզացնել, բայց տուրիստական օպերատորներն ապրիլ-մայիս ամիսներին չեղարկել են հազարավոր այցեր, կարծում եմ՝ մեծ թվով զբոսաշրջիկներ չեն եկել Հայաստան Երևանում կազմակերպված հանրահավաքների պատճառով, հատկապես այն պարագայում, երբ ռուսական որոշ հեռուստաալիքներ հայտարարեցին, որ 200 հազար մարդ Երևանի փողոցներում հանրահավաք է անում»,– ասաց նախարարը։
Պապոյանը հայտնեց նաև, որ 2024 թվականի հունվար-սեպտեմբեր ամիսներին ՌԴ-ից Հայաստան է ժամանել 741 հազար զբոսաշրջիկ, ինչը կազմում է դեպի Հայաստան զբոսաշրջային հոսքերի ընդհանուր թվի 43%-ը։ Անցյալ տարի ռուս զբոսաշրջիկների թիվը կազմել է 50 տոկոս։
