30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ը պատրաստ է միջուկային զենքով պաշտպանել Հարավային Կորեան
Քաղաքականություն
31.10.2024 | 14:54
ԱՄՆ-ը լիովին հավատարիմ է Հարավային Կորեայի պաշտպանությանը և պատրաստ է դրա համար օգտագործել ցանկացած միջոց, այդ թվում՝ միջուկային զենքը: Այս մասին Վաշինգտոնում իր հարավկորեացի գործընկեր Կիմ Յոնգ Հյոնի հետ համատեղ մամուլի ասուլիսում հայտարարել է ԱՄՆ պաշտպանության նախարար Լլոյդ Օսթինը, գրում է DW-ի ռուսական ծառայությունը։
Նա նշել է, որ ընդլայնված զսպանն ուղղված ԱՄՆ-ի պարտավորությունը մնում է անփոփոխ։ Օսթինը հայտարարել է, որ այն «աջակցվում է ամերիկյան պաշտպանության ամբողջ շրջանակով՝ սովորական հրթիռային համակարգեր, միջուկային և առաջադեմ ոչ միջուկային զենքեր»։
Պենտագոնի ղեկավարը նաև հայտնել է Հարավային Կորեայի հետ լայնածավալ զորավարժությունների վերսկսման մասին, ինչը, նրա խոսքով, «էապես կուժեղացնի երկու երկրների մարտունակությունը»։
Երկու երկրների ռազմական գերատեսչությունների ղեկավարները Հյուսիսային Կորեայի ստորաբաժանումները Ռուսաստանից դուրս բերելու կոչ են արել։ Օսթինը նշել է, որ Վաշինգտոնը «կշարունակի աշխատել դաշնակիցների և գործընկերների հետ՝ Ռուսաստանին հետ պահելու այդ զորքերը մարտերում օգտագործելուց», սակայն «մեծ հավանականություն» կա, որ Մոսկվան չի հրաժարվի իր մտադրությունից»։ Նրա խոսքով՝ հյուսիսկորեացի զինվորականները զինված են ռուսական սպառազինությամբ և ռուսական հանդերձանքով են։
Իր հերթին, Հարավայի Կորեայի ՊՆ ղեկավարը նախազգուշացրել է, որ Հյուսիսային Կորեայի զորքերի հնարավոր մասնակցությունն Ուկրաինայի դեմ ռուսական պատերազմին «կարող է հանգեցնել Կորեական թերակղզում անվտանգության սպառնալիքների սրմանը»: Նրա խոսքով՝ դա պայմանավորված է նրանով, որ Փհենյանն իր ստորաբաժանումների օգտագործման դիմաց, «մեծ հավանականությամբ, կպահանջի Մոսկվայից փոխանցել տեխնոլոգիա»՝ աջակցելու Հյուսիսային Կորեայի սպառազինության ծրագրերին, այդ թվում՝ միջուկային զենքի, միջմայրցամաքային բալիստիկ հրթիռների և հետախուզական արբանյակների։
Թարգմանությունը՝ Էմմա Չոբանյանի
