25.12.2024 | 20:59
Սիրիայում քուրդ զինյալները կթաղվեն, եթե զենքերը վայր չդնեն․ Էրդողան
«Վրացական երազանքը» մեզ մոտեցնում է ռուսական ազդեցության ուղեծրին․ Վալերի Չեչելաշվիլի․ ՏԵՍԱՆՅՈՒԹ
Քաղաքականություն
30.10.2024 | 20:30
ԱՄՆ նախագահ Ջո Բայդենը հայտարարություն արեց, և այն բավական կոշտ բնույթ ուներ։ Այդ հայտարարության իմաստն այն է, որ Վրաստանի ընտրությունները չի կարելի ազատ և արդար անվանել, և Միացյալ Նահանգները միջազգային փորձագետների մասնակցությամբ հետաքննություն անցկացնելու կոչ է անում, Factor TV-ի հետ զրույցում նշում է վրաց քաղաքագետ Վալերի Չեչելաշվիլին։
«Չեմ կարծում, որ խորհրդարանական այս ընտրություններում ռուսական գործոնը լուրջ է՝ մի շարք պատճառներով։ Այլ հարց է, որ իշխող կուսակցությունն իրեն այնպես է դիրքավորում, որ նրա արտաքին քաղաքական վեկտորն ավելի շատ է ուղղվում դեպի Ռուսաստան»,- ընդգծում է քաղաքագետը։
Ըստ Չեչելաշվիլիի՝ պետական ծառայողները վարչական ճնշման են ենթարկվել, մարդկանց նույնականացման քարտերը վերցրել են 100 լարիի դիմաց, որպեսզի մարդիկ իրենց ձայնն ընդդիմության օգտին չտան։ Այդ պատճառով միջազգային դիտորդները, որոնք սովորաբար դիվանագիտորեն են արտահայտում իրենց կարծիքը, շատ վատ գնահատականներ են հնչեցնում, հավելում է քաղաքագետը։
Հարցազրույցն ամբողջությամբ՝ տեսանյութում։
Արմեն Մանասյան
