Քաղաքականություն
31.10.2024 | 18:30Դոնբասում վերջին ամիսների մարտերի ընթացքում ռուսական կողմի հաջողությունները պայմանավորված են նրանով, որ ուկրաինական կողմը վատնել է իր ռեսուրսները 2023 թվականի ամռանը Զապորոժիեի ճակատում և 2024 թվականի օգոստոս-սեպտեմբերին ՌԴ Կուրկսի մարզում հարձակման փորձերի ժամանակ։ Factor TV-ի հետ զրույցում նման կարծիք է հայտնում Գերմանիայում բնակվող պատմաբան և սոցիոլոգ Նիկոլայ Միտրոխինը։
Ըստ նրա՝ այդ ռեսուրսները կարող էին օգտագործվել՝ ցանկացած ռուսական հարձակում կանգնեցնելու համար։
Նիկոլայ Միտրոխինի կարծիքով՝ պատերազմում ՌԴ նախագահ Վլադիմիր Պուտինի գլխավոր նպատակը Դոնբասի նկատմամբ լիարժեք վերահսկողությունն է։ Ուկրաինական կողմի համար 2023 թվականի ամռան մարտերի գլխավոր նպատակը Ղրիմն էր, բայց այդ խնդիրն անիրականանալի է։ Ռուսական կողմը, ըստ փորձագետի, մտադիր չէ Կուրսկի մարզում հարձակման անցնել, որպեսզի լրացուցիչ ուկրաինական ուժեր ներգրավվեն։
Անդրադառնալով հետխորհրդային տարածքում Ռուսաստանի հետագա ագրեսիվ քաղաքականության սցենարներին՝ Նիկոլայ Միտրոխինը նշում է, որ ռուսական բանակը լրջորեն կհյուծվի, սակայն Պուտինն ուժեր կհավաքի՝ Ուկրաինայի վրա հետագա հարձակման համար։ Փորձագետը չի բացառում նաև Բելառուսի օկուպացիան՝ նշելով հենց այս երկիրը որպես ռուսական էքսպանսիայի հաջորդ առավել հավանական ուղղություն։
Հարցազրույցն ամբողջությամբ՝ տեսանյութում։
Սամվել Մելիքսեթյան
