23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Ուկրաինան շահել է Ռուսաստանին ունեցած 3 մլրդ դոլար պարտքի հարցով բողոքարկման գործը
Քաղաքականություն
14.09.2018 | 18:40
Ուկրաինան շահել է Ռուսաստանին ունեցած 3 մլրդ դոլարի չափով պարտքի մասին բողոքարկման գործը, որը քննում էր Լոնդոնի Վերաքննիչ դատարանը:
Ինչպես փոխանցում է РИА Новости-ն, դատարանը վճիռ է կայացրել վիճահարույց հարցի շուրջ նոր լսումներ անցկացնելու մասին: ՌԴ ֆինանսների նախարար Անտոն Սիլուանովը հայտարարել է, որ Ռուսաստանն այժմ մտադիր է դիմել Անգլիայի Գերագույն դատարան:
«Ներկայիս որոշումը որոշ ժամանակով հետաձգում է Ռուսաստանի Դաշնության և Ուկրաինայի միջև վեճի կարգավորման վերջնական վճիռը: Հուսով ենք, որ հաջորդ ատյանը, որն առավել բարձր է, վերջնական և օբյեկտիվ որոշում կկայացնի», – հավելել է ռուս նախարարը:
2013 թվականին Մոսկվան 3 մլրդ դոլարի ուկրաինական եվրոբոնդ է գնել ոչ շուկայական պայմաններով (5 տոկոս տարեկան տոկոսադրույքով): Մինչ 2015 թվականը Կիևը պարտաճանաչ կերպով սպասարկել է պարտքը, սակայն այնուհետև դեֆոլտ հայտարարել այդ պարտատոմսերի հարցով:
ՌԴ ֆիննախը հայց է ներկայացրել Լոնդոնի բարձր դատարան 2017-ին և շահել է գործը. դատարանն Ուկրաինային պարտավորեցրել էր Ռուսաստանին վճարել պարտատոմսերի անվանական արժեքը՝ 3 մլրդ դոլարը: Հետաձգման յուրաքանչյուր օրվա համար Կիևը 673 000 դոլար է պարտավորվում վճարել: Ավելի ուշ Ուկրաինան բողոքարկել էր այդ որոշումը վերաքննիչ դատարանում:
