18.07.2026 | 16:19
Սպասվում է կարճատև անձրև և ամպրոպ
Կրասնոյարսկում ավելի քան 200 աշխատանքային միգրանտ է ձերբակալվել
Քաղաքականություն
29.10.2024 | 11:53
ՌԴ Կրասնոյարսկում Քննչական կոմիտեն և զինկոմիսարիատը հերթական ուժեղացված ստուգման ժամանակ ձերբակալել են Ուզբեկստանից, Ղրղզստանից և Տաջիկստանից 229 աշխատանքային միգրանտների, հայտնում է «Սիբիրսկի էքսպրեսը»։
Ուժայինները ստուգումներ են իրականացրել սուպերմարկետների խոշոր ցանցի բաշխիչ կենտրոնում, փայտամշակման բազայում և արտադրական-լոգիստիկ համալիրում։
«Բոլորի մոտ հայտնաբերվել են միգրացիոն օրենսդրության կոպիտ խախտումներ»,- հայտնել են ոստիկանությունից։
Արձանագրված խախտումներն են, մասնավորապես, ապօրինի միգրանտների կեղծ գրանցում, ապօրինի ներգաղթյալին բնակարանի կամ տրանսպորտային միջոցի տրամադրում, ներգաղթյալի կարգավիճակի որոշման ժամանակ տեղեկատվության տրամադրումից խուսափում կամ կեղծ տեղեկությունների տրամադրում:
Մերձմոսկովյան «Կրոկուս սիթի հոլ» համերգասրահում տեղի ունեցած ահաբեկչությունից հետո Ռուսաստանի իշխանությունները սկսել են խստացնել միգրանտների՝ երկրում մնալու կանոններն ու պայմանները։ 2024 թվականի օգոստոսին ՌԴ նախագահ Վլադիմիր Պուտինը ստորագրել է օրենք, որը ներքին գործերի նախարարության աշխատակիցներին իրավունք է տալիս ինքնուրույն արտաքսել օտարերկրյա քաղաքացիներին։ Այն ուժի մեջ կմտնի 2025 թվականի փետրվարից։
Թարգմանությունը՝ Տաթև Ֆռանգյանի
