08.10.2026 | 16:57
ՀՖՖ. Եղիշե Մելիքյանն ունի ՀՀ քաղաքացիություն
Ռուսական զորքերը հարվածել են Կիևին և Խարկովին․ զոհեր և վիրավորներ կան
Քաղաքականություն
29.10.2024 | 11:31
Հոկտեմբերի լույս 29-ի գիշերը ռուսական զորքերը հրթիռային հարձակում են գործել Խարկովի վրա, ինչի հետևանքով չորս մարդ է զոհվել, հայտնում է Ուկրաինայի արտակարգ իրավիճակների պետական ծառայությունը, փոխանցում է Current Time-ը:
Քաղաքապետ Իգոր Տերեխովի խոսքով՝ ռուս զինվորականները կիրառել են «Գրոմ-Ե1» հրթիռ։ Այն հարվածել է Խարկովի Օսնովյանսկի թաղամասի մասնավոր բնակելի հատվածին։ Մեկ տուն ամբողջությամբ ավերվել է, ևս 19 շենք և չորս ավտոմեքենա մասամբ վնասվել են։ Հրդեհը մարվել է։
Փրկարարները փլատակների տակից դուրս են բերել երկու կնոջ և երկու տղամարդու դի։
Կիևի Սոլոմենսկի թաղամասում անօդաչու թռչող սարքի հարձակման պատճառով հրդեհվել են կայանված մեքենաներ, խանութ և առևտրային շենք։ Բացի այդ, ապահերմետիկացվել է գազի խողովաը։ Հրդեհը մարվել է, հինգ մարդ վիրավորվել է, 15-ը՝ տարհանվել։
Կրիվոյ Ռոգում տեղի ունեցած հարվածի հետևանքով մեկ մարդ մահացել է, տուժածների թիվը հասել է 12-ի, վնասվել են եռահարկ բնակելի շենք, տնտեսական շինություններ, բժշկական կլինիկա, ավտոմեքենաներ։ Արտակարգ իրավիճակների պետական ծառայության տվյալներով՝ ավերվել է 12 ավտոտնակ։
Թարգմանությունը՝ Տաթև Ֆռանգյանի
