18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Ռուսական ՀՕՊ համակարգերը չկարողացան կանգնեցնել իսրայելական հրթիռները Իրանում. WSJ
Քաղաքականություն
28.10.2024 | 21:35
Իրանի ուղղությամբ հրթիռներ արձակելուց հետո Իսրայելը միանգամից երկու հարված հասցրեց Ռուսաստանին։ Առաջին հերթին՝ հարվածներ են հասցվել ռազմական գործարաններին, որոնց պատճառով կարող է դադարեցվել իրանական հրթիռների մատակարարումը Ռուսաստան։ Երկրորդ՝ Ռուսաստանից գնված հակաօդային պաշտպանության համակարգերը գործնականում ոչինչ չեն կարողացել անել իսրայելական կործանիչների կողմից արձակված ամերիկյան հրթիռների դեմ։
Ռուսական արտադրության հակաօդային պաշտպանության համակարգերը, եթե նույնիսկ կարողացել են խոցել որոշ հրթիռներ, ապա ընդամենը մի քանիսը, The Wall Street Journal-ին ասել են ամերիկացի և իսրայելցի պաշտոնյաները: Ավելին, բոլոր երեք C-300 համակարգերը հենց իրենք են ոչնչացվել։
Իրանն ընդհանուր առմամբ ուներ չորս նման համալիր, որոնցից մեկը վնասվել էր այս տարվա սկզբին Իսրայելի հարվածից։ Հարձակմանը, որը տեղի է ունեցել հոկտեմբերի 26-ի գիշերը, մասնակցել է մոտ 100 ինքնաթիռ, այդ թվում՝ F-35 կործանիչներ։
Բացի այդ, Իսրայելին հաջողվել է ոչնչացնել 12 կայանք, որոնք վառելիք էին արտադրում իրանական բալիստիկ հրթիռների համար, որոնք սկսել էին մատակարարվել ռուսական բանակին այս տարի, Axios-ին հայտնել են իրավիճակին ծանոթ երեք աղբյուրներ: Նրանց խոսքով՝ Իրանը չունի այդ սարքավորումները վերականգնելու սեփական տեխնոլոգիա, ուստի հրթիռների արտադրությունը կարող է վերսկսվել ոչ շուտ, քան մեկ տարի հետո։
Թարգմանությունը՝ Տաթև Ֆռանգյանի
