23.12.2024 | 21:49
YouTube-ի թրաֆիկը ՌԴ-ում նվազել է՝ հասնելով 20%-ի․ այն «դե ֆակտո արգելափակված է»
Ռուսական զորքերը Խարկովում հարվածել են բազմահարկ շենքի. 7 մարդ վիրավորվել է
Քաղաքականություն
28.10.2024 | 14:14
Հոկտեմբերի լույս 28-ի գիշերը ռուսական զորքերն անօդաչու թռչող սարքերով հարվածներ են հասցրել Ուկրաինային։ Այս մասին են վկայում Ուկրաինայի զինված ուժերի ռազմաօդային ուժերի հրամանատարության տվյալները, փոխանցում է Current Time-ը։
Խարկովում Խոլոդնոգորսկի շրջանի ինը հարկանի բնակելի շենքի վրա հարվածի հետևանքով տուժել է յոթ մարդ, այդ թվում՝ 16-ամյա աղջիկ, հայտնել է քաղաքի քաղաքապետ Իգոր Տերեխովը։ Նրա խոսքով՝ 8-9-րդ հարկերի առաստաղը վնասվել է, ավերվել է երեք բնակարան։
Հոկտեմբերի 27-ի երեկոյան Խարկովի Սալտովսկի թաղամասում ռուսական հարվածի հետևանքով վիրավորվել է երեք մարդ, ևս երեքը՝ Շևչենկովսկի շրջանում։ Տերեխովի խոսքով՝ ավերվել է մեկ տնտեսական շինություն, վնասվել 21 առանձնատուն և չորս ավտոմեքենա։
Խերսոնում Կենտրոնական թաղամասի բնակելի շենքերի հրետանային գնդակոծության հետևանքով երկու կին է զոհվել, ևս երեք մարդ վիրավորվել է, այդ թվում՝ 13-ամյա դեռահաս։
Թարգմանությունը՝ Տաթև Ֆռանգյանի
