26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
ՀՀԿ-ական նախկին պատգամավոր Հովհաննես Սահակյանը և նրա ընտանիքը հրավիրվել են Դատախազություն
Հասարակություն
25.10.2024 | 19:51
Ազգային ժողովի «Հանրապետական» խմբակցության նախկին պատգամավոր, աշխատանքի և սոցիալական հարցերի նախարարության սոցիալական ապահովության պետական ծառայության նախկին պետ Հովհաննես Սահակյանը, ծնողները՝ Միշա Սահակյանը, Նորա Մանուկյանը և կինը՝ Ռուզաննա Գրիգորյանը, հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն։ Այս մասին Factor․am-ը տեղեկանում է «Ազդարար» պաշտոնական հայտարարությունների կայքէջից։
Ըստ ծանուցագրի՝ Սահակյանը և նրան փոխկապակցված անձինք հոկտեմբերի 31-ին պետք է ներկայանան վարչություն՝ նրանց պատկանող գույքի առնչությամբ իրականացված ուսումնասիրության նյութերին ծանոթանալու և դիրքորոշում հայտնելու նպատակով:
Հովհաննես Սահակյանը ՀՀ ԱԺ պատգամավոր է ընտրվել 2009 թվականին՝ ՀՀԿ համամասնական ընտրացուցակով։ Եղել է Ազգային ժողովի պետական-իրավական հարցերի մշտական հանձնաժողովի անդամ, ՀՀԿ խմբակցության քարտուղար: 2014 թ. մարտից մինչև հունիս ՀՀ ԱԺ էթիկայի հարցրեի ժամանակավոր հանձնաժողովի նախագահն էր։ 2014 թ. ապրիլի 30-ին ընտրվել է ՀՀ ԱԺ Պետական-իրավական հարցերի մշտական հանձնաժողովի նախագահ։ 2016-2018 թթ․ ղեկավարել է աշխատանքի տեսչական մարմինը։
