Դեպի Ռուսական կայսրությո՞ւն,թե՞ ԵՄ․ սուր պայքար ՌԴ-ի և Արևմուտքի միջև ՀՀ-ի, Վրաստանի,Մոլդովայի համար․ ՏԵՍԱՆՅՈՒԹ

Վրաստանում և Մոլդովայում ընտրական կարևորագույն գործընթացներ են, որոնք կարող են ճակատագրական լինել ոչ միայն այս պետությունների համար, այլև աշխարհաքաղաքական նժարը թեքել  Ռուսաստանի և Արևմուտքի միջև։ Մոլդովայում մեծ դժվարութամբ հաղթեց Եվրաքվեն՝ 50․4%-ը «Այո» ասաց ԵՄ-ին անդամակցելու հանրաքվեին։ Պրոցեսն ավարտուն դառնալու համար՝ դեռ այնտեղ պետք է հաղթանակ տանի եվրոպամետ Մայա Սանդուն։ Նա առաջին փուլում 42% քվե է հավաքել՝ ունենալով ՌԴ-ի քաղաքականությունը նախընտրող բազմաթիվ մրցակիցների։ Երկրորդ փուլն առջևում է։

Վրաստանում Իվանիշվիլիի «Վրացական երազանք» կուսակցությանը, որին մեղադրում են ռուսամետության մեջ, ընտրարշավն անցկացնում է Եվրամիության դրոշներով և խոստանում է Վրաստանը տանել ԵՄ-ին անդամակցության ճանապարհով։ Մինչդեռ՝ վրացական արևմտամետ ընդդիմությունը կասկածի տակ է դնում իշխանության այս թեզը՝ պնդելով, որ միայն իրենց հաղթանակի պարագայում Վրաստանը կինտեգրվի ԵՄ-ին։ Հայաստանը ևս անմասն չէ Ռուսաստանի և Արևմուտքի միջև անուղղակի մրցակցությունից։

Ռուսաստանի գլխավորած ԵՏՄ-ում, ՀԱՊԿ-ում, ԱՊՀ-ում գտնվող ՀՀ-ում անցկացվել է ստորագրահավաք՝ ԵՄ-ին անդամակցելու հարցով։  Արդյո՞ք ՌԴ-ին կհաջողվի հետխորհրդային այս երկրներին պահել իր ուղեծրում, թե՞ վերջնականապես կկորցնի այս երկրներում իր ազդեցությունը։

Factor TV-ի տաղավարում հրավիրել ենք քննարկում, որին մասնակցում են Գիորգի Թումասյանը՝ միջազգային հարաբերությունների մասնագետ, Արման Ղուկասյանը՝ Հանուն սոցիալական արդարության կուսակցության նախագահ, Արմեն Հովհաննիսյանը՝ քաղաքական վերլուծաբան, Անահիտ Ադամյանը՝ Հանրապետություն կուսակցության անդամ, Սամվել Մելիքսեթյանը՝ քաղաքագետ։