21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Հացահատիկային գործարքը վերսկսելու վերաբերյալ Էրդողանի առաջարկն ուսումնասիրվում է․ Պեսկով
Քաղաքականություն
25.10.2024 | 19:43
ՌԴ նախագահի խոսնակ Դմիտրի Պեսկովը հայտնել է, որ ռուսական գերատեսչություններն ու մասնագետներն ուսումնասիրում են հացահատիկային գործարքի վերսկսման հնարավորության մասին թուրքական փաստաթուղթը, հայտնում է Կոմերսանտը։ Ավելի վաղ ՌԴ նախագահ Վլադիմիր Պուտինը հայտնել էր, որ Թուրքիայի նախագահ Ռեջեփ Թայիփ Էրդողանն իրեն առաջարկել է վերսկսել շփումներն ուկրաինական իշխանությունների հետ՝ կապված Սև ծովում նավագնացության հետ։
«Թուրքական կողմը ներկայացրել է փաստաթղթի նախագիծ՝ ապագայում նման փորձի կրկնության հնարավոր քննարկման վերաբերյալ։ Այս փաստաթուղթն այժմ ուսումնասիրվում է մեր համապատասխան գերատեսչությունների և մասնագետների կողմից։ Հարցի վերաբերյալ դիրքորոշումները կզեկուցվեն նախագահին»,- ասել է Դմիտրի Պեսկովը։
Նա հավելել է՝ հացահատիկային գործարքի նախկին փորձը հաջող չի եղել։ Ըստ Պեսկովի՝ «չի արվել այն, ինչ պետք է արվեր մեզ համար», և նախաձեռնությունը «որպես գործարք չի ստացվել»։
«Ռոսիա 1» հեռուստաալիքին տված հարցազրույցում ՌԴ նախագահն ասել է, որ Էրդողանի հետ հանդիպմանը Թուրքիայի նախագահն առաջարկել է վերսկսել շփումները Սև ծովում նավագնացության հարցերի շուրջ։ Նա պարզաբանել է, որ դեռևս չի հասցրել ծանոթանալ փաստաթղթին։ Ինքը՝ Էրդողանը, հայտարարել է, որ շատ լավ սկիզբ են դրել, հատկապես, «սևծովյան հացահատիկային միջանցքի շրջանակներում»։
Թարգմանությունը՝ Տաթև Ֆռանգյանի
