05.09.2026 | 14:42
Օդի ջերմաստիճանը զգալիորեն կնվազի
«Ժամանակն է, որ Վաշինգտոնը որոշի, թե տարածաշրջանում ով է իր իսկական դաշնակիցը». Չավուշօղլու
Քաղաքականություն
14.09.2018 | 13:54
Թուրքիայի արտգործնախարար Մևլութ Չավուշօղլուն բաց նամակով դիմել է ամերիկյան «New York Times» թերթի խմբագրին. փոխանցում է ermenihaber-ը:
«Սիրիայում ի հայտ եկած աղետ» նամակում Չավուշօղլուն նշել է, որ տվյալ թերթի սեպտեմբերի 9-ին հրապարակած «Սիրիայում սարսափելի ավարտը պարզ է» հոդվածում իրավացիորեն ուշադրություն է դարձվել այն հանգամանքին, որ Սիրիայում Բաշար Ասադի ռեժիմը սատարողները ռազմական գործողություն են իրականացրել ընդդիմադիրների դեմ:
Չավուշօղլուի պնդմամբ` ԱՄՆ-ն հովանավորում է հարձակումներ իրականացնող Ասադի դաշնակիցներին:
Նա մասնավորապես շեշտում է, որ Թուրքիայում ահաբեկչական համարվող «Քուրդիստանի բանվորական կուսակցության» (PKK) սիրիական թևը` «Ժողովրդական ինքնապաշտպանական ջոկատները» (ԺԻՋ/YPG) վճարած հարկերի դիմաց զենք և օգնություն են ստանում ամերիկացիներից:
Հիշեցնելով Ասադի և ՔԲԿ/ԺԻՋ-ի միջև հուլիս ամսվա համաձայնությունը՝ նախարարը նշել է. «Ասադն այս կառույցին օգնություն է ուղարկել Իդլիբն ընդդիմադիրներից հետ վերցնելու համար»:
Չավուշօղլուն ակնարկել է, որ նույն Թուրքիայի կողմից ահաբեկչական համարվող ՔԲԿ-ն ահաբեկչական կառույց է դիտարկվել նաև ԱՄՆ-ի և ԵՄ-ի կողմից:
Բաց նամակում արտգործնախարարը հայտնել է. «Արդեն ժամանակն է, որ Վաշինգտոնը որոշի, թե տարածաշրջանում ո՞վ է իր իսկական դաշնակիցը»:
