11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԵՄ-ն պատրաստվում է ուժեղացնել ՌԴ-ի դեմ պատժամիջոցները՝ վախենալով, որ Թրամփը կարող է չեղարկել որոշ սահմանափակումներ․ Reuters
Քաղաքականություն
25.10.2024 | 15:31
Եվրոպացի դիվանագետները պատրաստվում են խստացնել Ռուսաստանի դեմ պատժամիջոցները՝ մտավախություն ունենալով, որ Դոնալդ Թրամփի վերադարձը Սպիտակ տուն կարող է խաթարել Մոսկվային մեկուսացնելու՝ Արևմուտքի ջանքերը։ Այս մասին հայտնում է Reuters գործակալությունը՝ վկայակոչելով քննարկումներին ծանոթ աղբյուրներին։
Ներկայում դիվանագետների հիմնական նպատակն է ապահովել, որ եվրոպական պատժամիջոցները շարունակեն կիրառվել, նույնիսկ եթե Վաշինգտոնի քաղաքականությունը փոխվի։
Քննարկվում են մի քանի քայլեր, որոնք կօգնեն լուծել այս խնդիրը։ Ըստ Reuters-ի աղբյուրների՝ առաջին հերթին դա վերաբերում է ընթացակարգային խնդիրներին, օրինակ՝ առաջարկվում է վերանայել այն դրույթը, ըստ որի՝ որոշ պատժամիջոցներ պետք է երկարացվեն վեց ամիսը մեկ։ Բացի այդ, քննարկումներ են ընթանում ռուսական նավթի մատակարարումների սահմանափակումների ընդլայնման ուղղությամբ։
Գործակալության աղբյուրների համաձայն՝ եվրոպացի դիվանագետները կսպասեն մինչև տարեվերջ, որպեսզի լրջորեն քննարկեն նոր սահմանափակումները։ ԵՄ նախագահությունը շատ նախաձեռնություններ արգելափակող Հունգարիայից կանցնի Լեհաստանին, որը շատ ավելի կոշտ դիրքորոշում է ընդունում։
Թարգմանությունը՝ Տաթև Ֆռանգյանի
