05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
Մարտակերտի քաղաքապետն արդարացվել է
Հասարակություն
25.10.2024 | 12:30
Խարդախությամբ խոշոր չափերով հափշտակության և փաստաթղթեր կեղծելու մեջ մեղադրվողՄարտակերտի քաղաքապետ Միշա Գյուրջյանն արդարացվել է: Այս մասին Factor TV-ի հետ զրույցում տեղեկացրեց նրա պաշտպան Արսեն Բաբայանը:
«Միշա Գյուրջյանի նկատմամբ քրեական հետապնդումը դադարեցվել է, նա ողջ դրվագով արդարացվել է իրեն մեղսագրվող արարքում»։
Հիշեցնենք՝ Գյուրջյանը ձերբակալվել էր մայիսի 25-ին և երկու ամսով կալանավորվել։ Հունիսին նրա նկատմամբ կիրառված խափանման միջոցը փոխվել էր, դատարանն այլընտրանքային խափանման միջոց տնային կալանք էր կիրառել։ Երկու ամիս անց սա ևս վերացվել էր, նշանակվել էր չբացակայելու արգելք։
«Ընտրված այս խափանման միջոցը ևս այսօր կվերացվի»,- Factor TV-ին հայտնեց Արսեն Բաբայանը։
Մարտակերտի քաղաքապետ Միշա Գյուրջյանը մեղադրվում էր խարդախությամբ խոշոր չափերով հափշտակության և փաստաթղթեր կեղծելու համար։ Մասնավորապես, ըստ Քննչական կոմիտեի` նա խմբի հետ փաստաթուղթ է կեղծել և կատարել խոշոր չափերով գույքի հափշտակություն` 1.935.000 դրամ արժողությամբ CHEVROLET LACETTI-1.4։ Նրան մեղադրանք էր է ներկայացվել ՀՀ քրեական օրենսգրքի 255-րդ հոդվածի 2-րդ մասի 1-ին և 3-րդ կետերով՝ խարդախություն և 457-րդ հոդվածի 2-րդ մասով՝ փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը։
Ռոզա Վարդանյան
