26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Իսրայելը հետաձգել է Իրանի վրա հարձակումը՝ գաղտնի փաստաթղթերի արտահոսքի պատճառով. Times
Քաղաքականություն
24.10.2024 | 18:10
Իսրայելի իշխանությունները որոշել են հետաձգել Իրանի վրա հարձակումն այն բանից հետո, երբ դրա նախապատրաստման մասին փաստաթղթեր են հայտնվել ամերիկյան ԶԼՄ-ներում, գրում է The Times-ը՝ հղում անելով իր աղբյուրին։
Ըստ այդմ, Իսրայելի իշխանություններն աշխատում են այլընտրանքային ծրագրի վրա։ Պարբերականը գրում է, որ Իսրայելը մտահոգված է, որ արտահոսքը կարող է օգնել Իրանին կանխատեսել հարձակումների որոշակի օրինաչափություններ։
«ԱՄՆ փաստաթղթերի արտահոսքը հետաձգեց հարձակումը՝ որոշ ռազմավարություններ և բաղադրիչներ փոխելու անհրաժեշտության պատճառով: Հատուցումը կհետևի, բայց դա սպասվածից ավելի երկար կտևի»,- ասել է պարբերականի աղբյուրը:
Հիշեցնենք, որ հոկտեմբերի 1-ին Իրանն ավելի քան 180 բալիստիկ հրթիռ է արձակել Իսրայելի տարածքի վրա՝ այն որակելով որպես պատասխան լիբանանյան «Հըզբոլլահվ շարժման գլխավոր քարտուղար Հասան Նասրալլայի սպանությանը։ Իսրայելը հրապարակայնորեն խոստացել է պատասխանել հարձակմանը։
Թարգմանությունը՝ Տաթև Ֆռանգյանի
