21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Ձերբակալվեց թմրանյութ տեղադրելու պահին․ Երևանի պարեկների բացահայտումը
Հասարակություն
24.10.2024 | 16:26
Պարեկային ծառայության Երևան քաղաքի գնդի ծառայողները հոկտեմբերի 22-ի առավոտյան Չարենցի փողոցում նկատել են քարերի տակ փաթեթներ տեղադրող երիտասարդի․ տեղեկացնում են ՆԳՆ ոստիկանությունից։
Պարզվել է՝ 24-ամյա երիտասարդը մայրաքաղաքի Ֆանարջյան փողոցի բնակիչ է։ Թմրանյութ ապօրինի ձեռք բերելու, պահելու և իրացնելու կասկածանքով նա ձերբակալվել և ներկայացվել է ոստիկանության Մարաշի բաժանմունք։
Անձնական խուզարկությամբ երիտասարդի մոտ հայտնաբերվել են դեղնականաչավուն զանգվածով կաթուցիչներ՝ ընդհանուր 5 գրամից ավելի, 117 գրամից ավելի սպիտակ բյուրեղանման զանգվածով պլաստմասե տարա և նույն զանգվածով փաթեթներ՝ ընդհանուր 19 գրամից ավելի։
Երիտասարդը և կազմված փաստաթղթերը ներկայացվել են քննչական բաժին։ Հանգամանքները պարզվում են։
Թմրամոլության և ապօրինի թմրաշրջանառության դեմ պայքարը շարունակում է մնալ ՆԳՆ ոստիկանության առաջնահերթություններից։ Դրա վկայությունն է իրավապահների ամենօրյա անզիջում և հետևողական պայքարը այդ չարիքի դեմ։ Կրկին հորդորում ենք զերծ մնալ մերժելի և չափազանց վտանգավոր կենսակերպից, քանզի քրեաիրավական հետևանքներին առերեսվելը անխուսափելի կլինի։
