01.11.2024 | 23:19
Հրդեհ Գյումրու տներից մեկում
2-րդ երեխային տրվող միանվագ նպաստի չափը Կառավարությունը եռապատկեց․ ՏԵՍԱՆՅՈՒԹ
Հասարակություն
14.09.2018 | 12:34
Գործադիրն այսօր հավանություն տվեց Աշխատանքի և սոցիալական հարցերի նախարար Մանե Թանդիլյանի ներկայացած օրենսդրական նախաձեռնությանը, որով առաջարկվում է երեխայի ծննդյան միանվագ նպաստի չափը սահմանելու, երեխայի ծննդյան միանվագ նպաստ նշանակելու և վճարելու կարգը հաստատելու մասին օրենքում փոփոխություն կատարել՝ 50 հազար դրամի փոխարեն սահմանելով 150 հազար դրամ։
Ըստ նախարարի՝ որոշումն ուժի մեջ մտնելուց հետո 20-օրյա ժամկետում վարչապետի աշխատակազմ կներկայացվի միաժամանակ մեկից ավելի երեխա ծնվելու դեպքում երեխայի միանվագ նպաստի վճարի չափը սահմանելով նոր ծնված յուրաքանչյուր երեխայի հնարավոր բոլոր կարգաթվերի համար սահմանված չափերի հանրագումարի չափով։
Նախարարը հիշեցրեց, որ նախորդ նիստին քննարկման ժամանակ առաջարկ հնչեց, որպեսզի մեկից ավելի երեխայի ծննդյան դեպքում այլ կարգավորումներ լինեն, այդ առաջարկը ներառել են և մեկից ավելի երեխայի ծննդյան դեպքում յուրաքանչյուր երեխայի համար միանվագ չափը կսահմանվի յուրաքանչոյւր երեխայի կարգաթվին համարժեք գումարով։
Մանրամասները՝ տեսանյութում։
