21.01.2026 | 23:30
Ինչ իրավիճակ է Հայաստանի ճանապարհներին և Լարսում
Հրթիռակոծվել է Հալեպ քաղաքը. զոհվել է երեխա, ևս 13 մարդ վիրավոր է
Քաղաքականություն
14.09.2018 | 11:56
Հրթիռակոծվել է Սիրիայի Հալեպ քաղաքը, որի արդյունքում մեկ երեխա է զոհվել և 13 մարդ՝ վիրավորվել: Սիրիայի հաշտեցման ռուսական կենտրոնը հայտնում է, որ վերջին 24 ժամվա ընթացքում մի քանի անգամ խախտվել է հրադադարի ռեժիմը՝ Լաթակիայում և Հալեպում, տեղեկացնում է Sputniknews-ը:
Ինչպես հայտնում է Al Jazeera-ն, Թուրքիան շարունակում է զորքեր և ծանր զրահատեխնիկա մտցնել Սիրիա՝ մեծ գրոհ ակնկալելով Սիրիայի կառավարության և նրա դաշնակիցների կողմից:
Կայքը տեղեկացնում է, որ թուրք ռազմական փորձագետ Մեթին Գուրջանի կարծիքով՝ զորքի համալրումն ունի բացառապես պաշտպանողական բնույթ:
«Եթե նայեք զենքերի համակարգին, ապա կհասկանաք, որ դրանք ունեն պաշտպանական նշանակություն: Չեմ կարծում, որ Թուրքիան միտում կամ կարողություն ունի Իդլիբում ռազմական գործողություններ իրականացնելու համար»,- ասել է նա Al Jazeera-ին:
Նշվում է, որ մոտ 40.000 մարդ է տարհանվել Իդլիբից այն բանից հետո, երբ օդային հարձակումներն ուժեղացել են: Ըստ ՄԱԿ-ի «ամենավատ կանխատեսման», եթե մեծածավալ պատերազմ սկսվի, ապա մոտ 900.000 մարդ պետք է տարհանվի:
