28.06.2026 | 21:32
Փոխադարձ վիրավորանքներ՝ ՍԴ-ում․ «Դերասանական ձիրք չունեմ», «Ձեր մոտ կեղծարարական էլ ա ստացվում»․ ՏԵՍԱՆՅՈւԹ
ԱՄՆ-ը պատժամիջոցներ կսահմանի ռուսական ավիաընկերության դեմ
Քաղաքականություն
14.09.2018 | 11:43
ԱՄՆ պետական գանձարանը մտադիր է Ռուսաստանի «Սուխոյ» ավիաընկերության դեմ պատժամիջոցներ սահմանել, քանի որ հնարավոր է, որ ընկերության օդանավերն օգտագործվել են Սիրիայում՝ քիմիական զենք կիրառելիս, տեղեկացրել է ԱՄՆ «Ահաբեկիչների ֆինանսավորման քարտուղարության» օգնական Մարշալ Բիլինգսլին՝ ԱՄՆ Ներկայացուցիչների պալատի նիստի ժամանակ. գրում է tass.com-ը:
«Մենք խիստ մտահոգ ենք, որ «Սուխոյի» օդանավերը կարող են օգտագործված լինել Սիրիայի խաղաղ բնակիչների դեմ քիմիական զենք կիրառելիս: Ապացուցվելու դեպքում, դա անընդունելի կլինի»,- ասել է Բիլինգսլին:
Ըստ կոնգրեսական Բիլ Քիթինգի, ԱՄՆ վարչակազմը միտումնավոր կերպով դուրս է թողնում «Սուխոյի» նման ընկերությունները, որպեսզի թույլ տա «Ռուսաստանին գործողություններ ծավալել Ուկրաինայում և Սիրիայում»:
Բիլինգսլին հավելել է, որ «Սուխոյի» օդանավերը ոչ միայն ռազմական գործողություններ են իրականացնում, այլ նաև քաղաքացիական ծառայություններ են մատուցում ԱՄՆ-ում և «դա պետք է հաշվի առնել»:
Նշվում է, որ «Սուխոյ» ընկերությունը աշխարհի ամենամեծ ավիաընկերություններից մեկն է:
