14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Ոստիկանության աշխատակցի կողմից պաշտոնեական կեղծիք կատարելու մասին հաղորդում է ստացվել
Հասարակություն
12.07.2017 | 18:43
ՀՀ հատուկ քննչական ծառայությունում քրեական գործ է հարուցվել պետական հատուկ ծառայություն իրականացնող պաշտոնատար անձի կողմից պաշտոնեական կեղծիք կատարելու վերաբերյալ Մ. Ա.-ից ստացված հաղորդման հիման վրա: Այս մասին տեղեկացրին ՀՔԾ լրատվական ծառայությունից:
Այսպես, «Երևանի թիվ 31 մանկապարտեզ» ՀՈԱԿ-ի տնօրեն Մ. Ա.-ն հաղորդում է տվել այն մասին, որ 2017թ. մայիսի 16-ին իր աշխատասենյակից գողացվել է մանկապարտեզին պատկանող «Scanner» սարքավորումը: Դեպքի առթիվ ոստիկանության Արաբկիրի բաժնի հետաքննիչն իրենից գրավոր բացատրություն է վերցրել: Վստահելով հետաքննիչին` առանց արձանագրությունը կարդալու ստորագրել է այն:
Հետագայում, սակայն, պարզել է, որ բացատրություն վերցնելու մասին հետաքննիչի կողմից կազմված արձանագրության մեջ ներառվել են կեղծ տեղեկություններ, թե, իբր, գողացված «Scanner» սարքավորումն իր անձնական սեփականությունն է եղել, և, իբր, ինքը գողություն կատարողի նկատմամբ բողոք չի ներկայացնում:
Այսպիսով, ՀՀ ոստիկանության աշխատակցի կողմից պաշտոնեական կեղծիք կատարելու դեպքի առթիվ Հատուկ քննչական ծառայությունում քրեական գործ է հարուցվել ՀՀ քրեական օրենսգրքի 314-րդ հոդվածի 1-ին մասով:
Կատարվում է նախաքննություն:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
