21.10.2026 | 14:37
Խվիչա Կվարացխելիան ծանր վնասվածք է ստացել. աղբյուր
Այն, ինչ մենք այսօր տեսնում ենք Երևանում` արդարության բացակայությունն է․ Զարուհի Փոստանջյան. ՏԵՍԱՆՅՈՒԹ
Քաղաքականություն
13.09.2018 | 19:24
Factor TV-ն Երևանի ավագանու ընտրություններին ընդառաջ այս անգամ զրուցել է «Երկիր Ծիրանի» կուսակցության քաղաքապետի թեկնածու Զարուհի Փոստանջյանի հետ։
Նախորդ ավագանու կազմում ակտիվ և սկանդալային գործունեությամբ աչքի ընկած ուժի ղեկավարն ասում է՝ գալիս է ժողովրդին ծառայելու և հույս ունի այդ ծառայությունը կգնահատվի։ «Երկիր Ծիրանին» պայքարի է դուրս եկել «Արդարություն և օրենք» կարգախոսով:
«Այն, ինչ մենք այսօր տեսնում ենք Երևանում՝ արդարության բացակայությունն է»,- նշում է Փոստանջյանը։
Քաղաքապետի թեկնածուն դժվարանում է կանխատեսել, թե ինչ արդյունք կգրանցվի այս ընտրություններին: «Ինչպես անցած անգամ, այնպես էլ հիմա կա դաժան պայքար։ Այդ պայքարի արդյունքում մենք անցած անգամ մինչև անգամ հիվանդանոց ընկանք»,- նկատի ունենալով ՀՀԿ շտաբում իր և իր դստեր հետ կապված միջադեպն՝ ասաց Փոստանջյանը։
Նա երեք խնդիր առանձնացրեց, որոնց անհապաղ լուծում կտա քաղաքապետ ընտրվելու դեպքում․ «Հանրային տրանսպորտ, աղբահանություն և կոմունալ ծառայությունների գնի և որակի վերանայում»։
Չորս երեխաների մայր Զարուհի Փոստանջյանը նաև անկեղծացավ՝ զղջում է, որ ավելի շատ երեխաներ չի ունեցել։
Մանրամասները՝ տեսանյութում։
Լիլիթ Շաբոյան
