18.07.2026 | 19:33
Հայ շախմատիստները լավագույն եռյակում են Փոթիի կայծակնային շախմատի մրցաշարում
Ռուսական կողմը հարվածել է Խարկովին, զոհեր և վիրավորներ կան. Կիևում ԱԹՍ-ի բեկորներ են ընկել երեք շրջաններում
Քաղաքականություն
21.10.2024 | 13:05
Ռուս զինուժը հոկտեմբերի 21-ի գիշերը հարվածներ է հասցրել Խարկովին, ինչի հետևանքով կան զոհեր և վիրավորներ, հայտնել են տեղի իշխանությունները։ Կիևում անօդաչու թռչող սարքերի գրոհից հետո դրանց բեկորները հայտնաբերվել են մայրաքաղաքի երեք թաղամասերում, վիրավորվել է տեղի մեկ բնակիչ, գրում է Current Time-ը։
Ռումբերից մեկը խոցել է Խարկովի մարզի Նովոպավլովկա գյուղի առանձնատներից մեկը՝ ամբողջությամբ ավերելով այն։ Ուկրաինայի արտակարգ իրավիճակների պետական ծառայությունը հայտնում է, որ փրկարարները փլատակների տակից դուրս են բերել զույգի՝ 71-ամյա տղամարդու և 72-ամյա կնոջ դիերը։
Բուն Խարկովում հարվածի հետևանքով տուժել է 13 մարդ։
«Պայթյունների հետևանքով վնասվել են էլեկտրահաղորդման գծեր, բազմաբնակարան շենքեր, ավտոտնակներ, գազալցակայաններ, մասնավոր տներ և ավտոմեքենաներ»,- ասվում է արտակարգ իրավիճակների պետական ծառայության հաղորդագրությունում։
Նախնական տվյալներով՝ Խարկովի վրա հարձակումն իրականացվել է չորս կառավարվող օդային ռումբերով և «Գրոմ-Է1» հիբրիդային հրթիռ-ռումբերով, հայտնում է Խարկովի մարզի դատախազությունը։
Թարգմանությունը՝ Տաթև Ֆռանգյանի
