15.01.2025 | 21:34
Ռուսաստանն օդային հարձակումներ էր ծրագրել Լեհաստանի և այլ երկրների դեմ․ Տուսկ
«Վրաստանն ընտրում է Եվրամիությունը»․ Թբիլիսիում հազարավոր մարդիկ դուրս են եկել հանրահավաքի․ ՏԵՍԱՆՅՈՒԹ
Քաղաքականություն
21.10.2024 | 12:15
Թբիլիսիում բազմահազարանով հավաք է անցկացվել՝ «Վրաստանն ընտրում է Եվրամիությունը» խորագրով։ Ցույցի մասնակիցները հավաքվել են երկրի Ազատության հրապարակում, որտեղ նրանց է դիմել երկրի նախագահ Սալոմե Զուրաբիշվիլին։
«Այժմ իմ առջև կանգնած է անկախ Վրաստանը։ Մարդիկ, որոնց չեն ստիպել, որոնց չեն սպառնացել աշխատանքից ազատել։ Չկա ավելի կարևոր բան, քան ազատությունն ու խաղաղությունը։ Այստեղ և հիմա, այն հասարակությունը, որը խաղաղ է, արժանի է ապրել Եվրոպայում»,- ասել է Սալոմե Զուրաբիշվիլին։
Paper Kartuli-ն գրում է, որ Թբիլիսիի կենտրոնական հրապարակ են դուրս եկել հազարավոր մարդիկ։ Նրանց ձեռքերում եղել են Վրաստանի, Եվրամիության, Ուկրաինայի, ընդդիմադիր կուսակցությունների ու ասոցիացիաների դրոշները։
«Սա գագաթնակետն է, մենք լավ հասկանում ենք հոկտեմբերի 26-ի ընտրությունների կարևորությունը, սա հանրաքվե է ազատ երկրի՝ ԵՄ անդամի և Ռուսաստանի ստրկության մեջ գտնվող պետության միջև։ Մեր հիմնական նպատակն է ցույց տալ Իվանիշվիլիին և մեր երկրի թշնամիներին, որ մենք շատ ենք։ Ընտրություններից վեց օր առաջ իշխանությունը հաղորդագրություն կստանա հանրությունից, որ նրանք կհեռանան իշխանությունից ընտրությունների միջոցով»,- հայտարարել է ընդդիմադիր «Միասնություն-Ազգային շարժում» կուսակցության խոսնակ Լևան Սանիկիձեն:
Վրաստանում խորհրդարանական ընտրությունները նշանակված են հոկտեմբերի 26-ին։ Հուլիսին Եվրամիությունը դադարեցրել է Վրաստանի անդամակցության գործընթացը։
Թարգմանությունը՝ Տաթև Ֆռանգյանի
