09.09.2026 | 16:38
Արմեն Գրիգորյանը նոր պաշտոն է ստացել միջազգային ընկերությունում
Բայդենը Ժամանել է Գերմանիա՝ Ուկրաինա հարցով բանակցությունների
Քաղաքականություն
18.10.2024 | 15:18
ԱՄՆ նախագահ Ջո Բայդենը ժամանել է Գերմանիայի մայրաքաղաք Բեռլին՝ եվրոպացի առաջնորդների հետ քննարկելու Ուկրաինային հետագա աջակցությունը, հաղորդում է Bild-ը։
Այս այցը պետք է տեղի ունենար մեկ շաբաթ առաջ. Բայդենը ծրագրում էր Ուկրաինային հետագա աջակցությունը համակարգել նախագահ Վլադիմիր Զելենսկիի հետ Ռամշտայն ռազմաբազայում հանդիպմանը, սակայն այցը ստիպված է եղել հետաձգել՝ ԱՄՆ-ին հարվածած «Միլթոն» փոթորկի ավերիչ հետևանքների պատճառով:
Նշվում է, որ ծրագրվում է Բայդենի հանդիպումը Դաշնային նախագահ Ֆրանկ-Վալտեր Շտայնմայերի հետ, որը կպարգևատրի ԱՄՆ նախագահին Գերմանիայի բարձրագույն քաղաքացիական պարգևով՝ «Արժանիքների մեծ խաչ» շքանշանով։
Բեռլին են ժամանելու նաև Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը։
Սպասվում է, որ ԱՄՆ նախագահը կարող է հանդիպել Վլադիմիր Զելենսկիի հետ։ Իսկ թե կոնկրետ որտեղ կկայանա այս հանդիպումը, դեռևս հայտնի չէ։ Նախօրեին Ուկրաինայի ղեկավարը Բրյուսելում էր, որտեղ ԵՄ գագաթնաժողովում ներկայացրել է իր «Հաղթանակի ծրագիրը»։
Թարգմանությունը՝ Տաթև Ֆռանգյանի
