21.01.2026 | 23:30
Ինչ իրավիճակ է Հայաստանի ճանապարհներին և Լարսում
«Շանթ-2018». Զորավարժությունների նպատակն է հղկել պետական համակարգի աշխատանքը`պետությունը խաղաղ պայմաններից ռազմականի փոխադրելու ընթացքում. ՀՀ վարչապետ
Քաղաքականություն
13.09.2018 | 16:16
Սեպտեմբերի 13-ին ՀՀ վարչապետ Նիկոլ Փաշինյանն այցելել է ՀՀ ՊՆ վարչական համալիր՝ «Շանթ-2018» ռազմավարական հրամանատարաշտաբային զորավարժությունների տեղեկատվական և մարտական կառավարման կենտրոններ. տեղեկացնում է ՀՀ ՊՆ լրատվական ծառայությունը:
Եվս մեկ անգամ շեշտադրելով նմանօրինակ զորավարաժությունների անցկացման կարևորությունը՝ ՀՀ վարչապետն ընդգծել է, որ զորավարժությունների առանցքային նպատակն է հղկել պետական կառավարման համակարգի միասնական ու ներդաշնակ աշխատանքը`պետությունը խաղաղ պայմաններից ռազմականի փոխադրելու ընթացքում։
Նիկոլ Փաշինյանը նշել է, որ պայմանական պատերազմ ենթադրող զորավարժությունների հիմքում դրված էին այնպիսի սցենարներ, որոնք կապահովեին պետական կառավարման համակարգը առավել բարձր պատրաստականության աստիճանի բերելն ու նույնիսկ ամենածանր ու անսպասելի պայմաններում իր առջև դրված խնդիրների արդյունավետ կատարումը՝ ապահովելով ՀՀ անվտանգությունն ու բնականոնկենսագործունեությունը։
ՀՀ ՊՆ վարչական համալիրի մարտական կառավարման կենտրոնում, ՀՀ վարչապետ Նիկոլ Փաշինյանը լսել է նաև ՀՀ ԶՈՒ ԳՇ պետ, գեներալ-մայոր Արտակ Դավթյանի զեկույցը` զորավարժությունների սցենարով պայմանավորված, երկրում ստեղծված իրադրության, պայմանական հակառակորդի գործողությունների և դրանց դիմագրավման ուղղությամբ հայկական զինուժի ձեռնարկած պատասխան քայլերի և հետագազարգացումների վերաբերյալ:
