09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
ՀԱՄԱՍ-ի ղեկավարի ոչնչացումից հետո Իսրայելի գործողությունը Գազայի հատվածում պետք է ավարտվի․ Ֆրանսիայի ԱԳՆ ղեկավար
Քաղաքականություն
18.10.2024 | 17:25
ՀԱՄԱՍ-ի ղեկավար Յահյա Սինվարի վերացումից հետո Իսրայելի գործողությունը Գազայի հատվածում պետք է ավարտվի։ Այս մասին հայտարարել է Ֆրանսիայի արտգործնախարար Ժան-Նոել Բարոն։
«Նրա մահը պետք է լինի շրջադարձային պահ Գազայի պատերազմի էջը փակելու համար: Սա Իսրայելի կառավարության կողմից դրված հիմնական նպատակն էր: Այժմ այս նպատակն իրականացվել է: Դա Իսրայելի պատասխանատվությունն է, և դա բխում է Գազայում պատերազմն ավարտելու շահերից, որ Հորդանան գետի արևմտյան ափերի բնակեցումը դադարեցվի և վերջապես սկսվեն քննարկումները հակամարտության լուծման շուրջ՝ երկու պետությունների ստեղծման միջոցով»,- ասել է նա France Inter ռադիոկայանի եթերում։
Նախօրեին Բարոն նշել էր, որ ՀԱՄԱՍ-ի ղեկավարի ոսպանությունը «մահացու հարված» էր պաղեստինյան շարժմանը։ Նրա խոսքով՝ անհրաժեշտ է բոլոր պատանդների անհապաղ ազատ արձակում, առանց լրացուցիչ պայմանների հրադադար և մարդասիրական օգնության զանգվածային մուտքի բացում դեպի տարածաշրջան։
Թարգմանությունը՝ Տաթև Ֆռանգյանի
