06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Իրավախախտումը չարձանագրելու համար պարեկներին կաշառք էին առաջարկել
Հասարակություն
14.10.2024 | 14:51
Ոստիկանության Արմավիրի մարզի պարեկները հոկտեմբերի 11-ին Արմավիր քաղաքում իրականացրած ծառայության ժամանակ Երևանյան փողոցում իրավախախտում կատարելու համար կանգնեցրել են «ՄԱՆ» մակնիշի մեքենան: Վարչական արձանագրություն չկազմելու համար վարորդը պարեկներին կաշառք է առաջարկել:
«Օտարերկրյա քաղաքացի վարորդը և կազմված փաստաթղթերը ներկայացվել են Հակակոռուպցիոն կոմիտե։
Իրավախախտումը չարձանագրելու համար պարեկներին կաշառք առաջարկելու հաջորդ դեպքը գրանցվել է Իջևան-Սևան-Երևան ճանապարհին:
Ոստիկանության Կոտայքի մարզի պարեկները իրավախախտում կատարելու համար Իջևան-Սևան-Երևան ճանապարհի 123-րդ կմ-ին կանգնեցրել են «Օպել» մակնիշի մի մեքենա: Երևանի բնակիչ 47-ամյա վարորդը վարչական արձանագրություն չկազմելու համար պարեկներին կաշառք է առաջարկել:
Նա ձերբակալվել և տեղափոխվել է ոստիկանության Կոտայքի բաժին:
Կազմված փաստաթղթերը փոխանցվել են Հակակոռուպցիոն կոմիտե»,- ասված է ՆԳՆ-ի տարածած հաղորդագրության մեջ։
