18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Զինված ուժերը Մարտի 1-ի գործողություններին ներգրավված են եղել, դա փաստ է. Դավիթ Տոնոյան
Քաղաքականություն
12.09.2018 | 15:12
Պաշտպանության նախարար Դավիթ Տոնոյանն այսօր մեկնաբանել է ՀՔԾ պետ Սասուն Խաչատրյանի այն հայտարարությունը, որ «Մարտի 1»-ի իրադարձությունների ժամանակ բանակը ներգրավվել է քաղաքական գործընթացներին և անգամ կրակել է։
«Ես չեմ կարող գնահատել նախաքննության մարմինների և դատախազության տված գնահատականները։ Զինված ուժերը «Մարտի 1»-ի գործողություններին ներգրավված են եղել, դա փաստ է, և արտակարգ դրության շրջանակներում իրենց պարտականությունները կատարել են: Թե ինչ է կատարվել դրանից ավել, նախաքննությունը կհաստատի»,- ասաց նախարարը:
Հիշեցնենք, որ ՀՔԾ պետը երեկ խոսեց 0038 հույժ գաղտնի հրամանի մասին և նշեց․ «Մենք ունենք կոնկրետ ապացույցներ, որ ՀՀ Զինված ուժերի զինծառայողները ավտոմատ հրազենից կրակոցներ են արձակել Լեո փողոցի շենքերի, պատշգամբների ուղղությամբ, այն բանից հետո, երբ այդ պատշգամբներից մեկից վառվող շիշ է նետվել։ Այսինքն` բանակը ամբողջ ծավալով մասնակցել է այդ գործողություններին։ 0038 գաղտնի հրամանից հետո, երբ որոշվել է Երևանում հավաքել տարբեր զորամիավորումներից զինծառայողների, շաբաթներով սահմանին կանգնած զինվորները հերթապահել են առանց հերթափոխի, ստեղծվել են վտանգավոր պայմաններ, ինչի արդյունքում նաև դիվերսիա է եղել: Սա ևս ապացուցված է եղել քրեական գործի նյութերով։ Այսինքն՝ այս ամենն ազդել է բանակի մարտունակության վրա: Իսկ ամենախայտառակ բանը, որ արել են բանակի հետ, պաշտոնյաների կողմից մեր բանակի զինվորներին վարձկաններ սարքելն է»:
