16.11.2024 | 11:55
Արտարժույթների փոխարժեքները՝ նոյեմբերի 16-ի դրությամբ
Պաշտպանության նախարար Դավիթ Տոնոյանը՝ Բաղանիսի գնդակոծման մասին
12.09.2018 | 13:38
Ադրբեջանի կողմից հրադադարի ռեժիմի խախտումներ պարբերաբար են լինում, երեկ Տավուշի մարզի Բաղանիս գյուղի գնդակոծման առումով այս պահին անհանգստանալու խնդիր չկա:
Այս մասին սեպտեմբերի 12-ին ՀՀ պաշտպանության նախարարությունում լրագրողներին հայտնեց նախարար Դավիթ Տոնոյանը:
«Իրավիճակը կայուն է: Հրադադարի այդպիսի խախտումներ պարբերաբար են լինում, որոնց մեր զինված ուժերն արձագանքում են, և իրավիճակը կայունանում է: Անհանգստանալու խնդիր այս պահին չկա»,- ասաց Տոնոյանը:
Հիշեցնենք, որ ավելի վաղ արդեն տեղեկացրել ենք, որ սեպտեմբերի 11-ին՝ ժամը 22:30-ի սահմաններում, ադրբեջանական զինված ուժերը կրակոցներ են արձակել ՀՀ Տավուշի մարզի սահմանամերձ Բաղանիս համայնքի ուղղությամբ:
