07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Զախարովան պարզաբանել է՝ ինչ նկատի ունի Բաքուն, երբ ասում է, որ ՀՀ-ն չպետք է լինի ռազմական բլոկի անդամ. ՏԵՍԱՆՅՈՒԹ
Քաղաքականություն
02.10.2024 | 19:25
ՌԴ ԱԳՆ պաշտոնական ներկայացուցիչ Մարիա Զախարովան ներկայացրել է, թե որոնք են Բաքվի սկզբունքային մոտեցումները ՀՀ-ին ուղղված հայտարարություններում, մասնավորապես, Ադրբեջանի նախագահի օգնական Հիքմեթ Հաջիևի հայտարարությունն այն մասին, որ Հայաստանի համար լավագույն լուծումը կլինի չեզոքությունը, այլ ոչ թե Ադրբեջանի անվտանգությանը սպառնացող ռազմական դաշինքները։
Զախարովայի խոսքով՝ Ադրբեջանի նախագահի օգնականը նման հայտարարություն անելիս նկատի չի ունեցել ՀԱՊԿ-ին։
«Ես չեմ տեսել ոչ մի մեջբերում ադրբեջանցի որևէ պաշտոնյայի կողմից, որը հայտարարել է, որ ՀԱՊԿ-ը սպառնում է այդ պետության անվտանգությանը։ Միգուցե ես ինչ-որ բան չե՞մ տեսել: Հաճույքով կնայեմ, եթե նման մեջբերում գտնեք»,- ասել է նա՝ հավելելով, որ ՀԱՊԿ-ն ընդհանրապես որևէ մեկի դեմ ուղղված չէ:
«Ինչպես ինձ է թվում և՛ այս մեջբերումում, և՛ Բաքվի մյուս սկզբունքային մոտեցումներում խոսքը համագործակցության կամ ռազմական դաշինքներում համագործակցության մասին է, որոնցում Արևմուտքը բոլոր միջոցներով փորձում է ներքաշել և՛ ՀՀ-ին, և՛ Ադրբջանին։ Այսինքն՝ խոսքը ոչ միայն ՆԱՏՕ-ի մասին է, որը չի թաքցնում իր ագրեսիվ քաղաքականությունը, այլև ԵՄ-ի մասին, որը ռազմականացման ճանապարհ է բռնել»,- հայտարարել է Զախարովան։
Մանրամասները՝ տեսանյութում:
Տաթև Ֆռանգյան
