08.03.2026 | 16:14
ԱՄԷ-ն առաջին անգամ հարվածել է Իրանի տարածքին․ իսրայելական ԶԼՄ-ներ
Մեզ համար աննախադեպ մի իրավիճակ է ստեղծվել․ Արա Բաբլոյանը՝ գաղտնալսված և հրապարակված ձայնագրության մասին․ ՏԵՍԱՆՅՈՒԹ
Քաղաքականություն
12.09.2018 | 12:01
Ազգային ժողովի նախագահ Արա Բաբլոյանի համար ԱԱԾ տնօրենի և ՀՔԾ պետի խոսակցության գաղտնալսումն ու հրապարակումը աննախադեպ երևույթ է, որը խիստ մտահոգիչ է։
«Անպատկերացնելի մի երևույթ է, որ կարելի է ԱԱԾ-ի ղեկավարին նույնիսկ գաղտնալսել։ Մեզ համար աննախադեպ մի իրավիճակ է ստեղծվել։ Ես կարծում եմ, մենք պետք է անդրադառնանք այդ հարցին օրենքով սահմանված կարգով և ըստ ԱԺ կանոնակարգ օրենքի»,- այսօր Ազգային ժողովում լրագրողների հետ զրույցում ասաց նա։
Արա Բաբլոյանը հրաժարվեց մեկնաբանել ձայնագրության այն հատվածը, որտեղ դատավորը զանգում է ԱԱԾ տնօրենին։ «Եթե հարցը պետք է քննարկվի և պարզաբանվի, ապա թույլ տվեք, որ դա տեղի ունենա ոչ թե մեկ անձի կողմից, այլ՝ ըստ համապատասխան օրենքների»,- նշեց խորհրդարանի ղեկավարը։
Ազգային ժողովի նախագահը նաև անդրադարձավ ՀՀ վարչապետի երեկվա ելույթին և ասաց, որ իրենք իրենց քայլերը պետք է իրականացնեն երկրի անվտանգության ապահովման, տնտեսության զարգացման, բնակչության բարեկեցության բարելավման և ժողովրդավարության է՛լ ավելի ամրապնդման համար։
«Որևիցե քայլ դեպի նահանջ մեզ համար անընդունելի է»,- ասաց Արա Բաբլոյանը։
Մանրամասները՝ տեսանյութում:
