04.04.2026 | 20:03
ՃՏՊ՝ հրդեհի բռնկմամբ
Պատգամավորներն ու ԱԺ աշխատողները պարգևավճարներ են ստացել
Հասարակություն
02.10.2024 | 16:36
Անկախության տոնի առիթով Ազգային ժողովի պատգամավորները, աշխատակազմի պետական ծառայողները և աշխատողները պարգևավճարներ են ստացել։ Որոշումը կայացրել է ԱԺ նախագահ Ալեն Սիմոնյանը սեպտեմբերի 19-ին։
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ.
Հայաստանի Հանրապետության Անկախության տոնի առթիվ Ազգային ժողովի պատգամավորներին, Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ համաձայն հավելվածների:
Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»,- նշված է որոշման մեջ:
Անժելա Պողոսյան
