21.12.2025 | 13:04
24-ժամյա վթարային ջրանջատում Երևանում և Կոտայքում
Ֆրանսիայում թուրք երկրպագուները դանակներով հարձակվել են հայկական ակումբի ֆուտբոլիստների վրա
Քաղաքականություն
30.09.2024 | 11:31
Ֆրանսիայում սեպտեմբերի 29-ին ՀՄԸՄ (Հայ մարմնակրթական ընդհանուր միություն) Վալանսի թիմը հանդիպման է մեկնել թուրքական համայնքը ներկայացնող FC Turquoise ֆուտբոլային ակումբի դեմ։ Առաջին խաղակեսից հետո, երբ հայկական ակումբը հաղթել է 2-0 հաշվով, թուրք երկրպագուները դանակներով ներխուժել են խաղադաշտ և հարձակվել հայ ֆուտբոլիստների վրա: Հնչել են նաև ռասիստական արտահայտություններ և հայհոյանքներ։
Ոստիկանությունը միջամտել է, հանդիպումը դադարեցվել է։
Երկու հայ ֆուտբոլիստներ վնասվածքներով հիվանդանոց են տեղափոխվել։
Ֆրանսիական Figaro ամսագրի փոխտնօրեն Քրիստոֆ Բյուսոնը մեկնաբանել է միջադեպը X-ում գրառմամբ։
«Ֆուտբոլային հանդիպման ժամանակ թուրք երկրպագուները դժգոհ են եղել՝ տեսնելով, որ իրենց թիմը՝ FC Turquoise-ը, 2:0 հաշվով զիջում է ֆրանսահայ Վալանսի ակումբին, դանակներով հարձակվել են հայազգի խաղացողների վրա: Սա կոչվում է ռասայական դրդապատճառներով հարձակում»,- գրել է նա:
Ֆրանսիայի հայ համայնքից էլ լուսանկար են հրապարակել, որում FC Turquoise-ի երկրպագուները ցուցադրում են թուրքական ազգայնական «Գորշ գայլերի» նշանը:
Թարգմանությունը՝ Էմմա Չոբանյանի
